Iloilo – Kalaboso sa inilunsad na drug buy-bust operation ng Badiangan Municipal Police Station ang isang lalaking suspek matapos makumpiskahan ng ilegal na droga sa Brgy. Linayuan, Badiangan, Iloilo, noong Nobyembre 21, 2023.
Kinilala ni Police Major Bonifacio Alabe Jr, Acting Chief of Police ng Badiangan MPS, ang lalaking suspek na may edad 38 anyos, residente ng Brgy. Tuburan, Lambunao sa nasabing lalawigan.
Ayon kay PMaj Alabe Jr, dakong 7:30 ng gabi ng maikasa ang operasyon kasama ang mga tauhan mula sa Iloilo Police Provincial Drug Enforcement Unit, kung saan nakumpiska sa suspek ang tinatayang 15 gramo ng pinaghihinalaang shabu na nagkakahalaga ng Php102,000.
Narekober din sa suspek ang Php1,100 buy-bust money, cash na nagkakahalaga ng Php4,963, mga identification cards, at ilang non-drug items.
Ang Iloilo PNP ay patuloy sa pagpuksa sa ilegal na droga sa lalawigan upang masiguro ang kaayusan at kaligtasan ng mamamayan.
