Arestado ang isang Street Level Individual sa ikinasang buy-bust operation ng pulisya sa Barangay Panan-awan, Maasin City, Southern Leyte nito lamang ika-11 ng Abril 2025.
Kinilala ni Police Lieutenant Colonel Jayson P Balbarona, Acting Chief of Police ng Maasin City Police Station, ang suspek na si alyas “Greg”, 40 anyos at residente ng Barangay Panan-awan, Maasin City, Southern Leyte.
Bandang 9:04 ng umaga nang ikasa ang operasyon ng mga tauhan ng Maasin City Police Station at Regional Intelligence Unit 8 sa koordinasyon sa Philippine Drug Enforcement Agency 8.
Nakumpiska mula sa suspek ang 12 pakete ng hinihinalang shabu na may tinatayang timbang na 8.31 gramo na nagkakahalaga ng Php56,508, isang genuine Php1,000 bill na ginamit bilang buy-bust money at mga drug paraphernalia.
Mahaharap ang suspek sa kasong paglabag sa Section 5, 11 at 12 Article II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Pambansang Pulisya at iba pang ahensya ng gobyerno sa kampanya laban sa ilegal na droga para matiyak ang kaayusan at kapayapaan sa nasasakupan. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
