Arestado ang isang Street Level Individual (SLI) sa isinagawang drug buy-bust operation ng mga operatiba ng Iligan PNP sa Purok 8 Tambacan, Iligan City, Lanao del Norte nito lamang ika-8 ng Abril 2025.
Kinilala ni Police Colonel Jerry A Tambis, Acting City Director, Iligan City Police Office, ang suspek na si alyas “Orl”, 40, lalaki, may asawa at residente ng nasabing lugar.
Bandang 7:54 ng gabi nang isagawa ang operasyon ng mga operatiba ng Iligan City Police Station 4, katuwang ang PDEA 10 na nagresulta sa pagkakadakip sa suspek.
Nakumpiska mula sa suspek ang dalawang pakete ng transparent plastic sachet, isang color yellow improvised straw, isang Php200 bill at isang small size paper.
Ang mga nakumpiskang ilegal na droga ay tinatayang may bigat na 1.1 gramo na may halagang Php7,480.
Nahaharap sa kasong paglabag sa Republic Act 9165 o ang “Comprehensive Dangerous Drugs Act of 2002” ang suspek.
Layunin ng operasyon na mapigilan ang patuloy na paglaganap ng ilegal na droga sa lungsod at tiyakin ang kaligtasan ng komunidad.
