Iloilo – Timbog ang isang street level drug personality matapos ang ikinasang buy-bust operation ng Oton PNP Station Drug Enforcement Team kasama ang Iloilo PPO PDEU sa Barangay Abilay Norte, Oton, Iloilo nito lamang ika-2 ng Abril 2023.
Kinilala ni Police Major Fernand Limbungan, Acting Chief of Police ng Oton Municipal Police Station, ang subject person na si Roy B. Jose, 38, isang aircon technician at residente ng Blk 9 Lot 22, Lumina Subdivision, Barangay Abilay Norte, Oton, Iloilo.
Ayon kay PMaj Limbungan, naaresto ang suspek matapos mahuli sa akto ng pagbebenta ng ilegal na droga sa nagpanggap na poseur buyer.
Ayon pa kay PMaj Limbungan, habang isinasagawa ang pag-aresto at pagkapkap kay Jose ay narekober sa kanyang posesyon ang ilang pakete ng pinaniniwalaang shabu na may tinatayang timbang na 25 gramo at nagkakahalaga ng Php170,000.
Patuloy namang hinihikayat ng Iloilo PNP ang mamamayan ng Iloilo na patuloy na makipagtulungan at ipagbigay alam sa pinakamalapit na istasyon ang anumang ilegal na aktibidad partikular na sa mga taong sangkot sa ilegal na droga.
