Cotabato – Arestado ang isang lalaki sa patuloy na isinasagawang Manhunt Charlie operation ng tauhan ng PNP sa Pob 6, Midsayap, Cotabato, noong Nobyembre 2, 2022.
Kinilala ni PMaj Bernie Suaga, Station Commander ng Buhangin Police Station, ang suspek na si alyas “Toto”, 27, residente ng nasabing lugar na tinaguriang Most Wanted Person sa station level.
Ayon kay PMaj Suaga, inaresto ang suspek sa bisa ng Warrant of Arrest na inihain ng tauhan ng Buhangin PS at Midsayap Municipal Police Station sa kasong Lascivious Conduct na may kaukulang piyansa na Php200,000.
Ang pagkakadakip sa suspek ay resulta ng patuloy na pagsisikap ng Police Regional Office 11 na hulihin ang mga wanted person sa rehiyon onse sa tulong na ibinibigay ng mga mamamayan.
Panulat ni Patrolman Alfred Vergara
