Sorsogon – Nakiisa sa isinagawang Tree Planting Activity ang mga tauhan ng Sta. Magdalena Municipal Police Station sa pangunguna ni PLt Dennis L Detoito, Officer-In-Charge kasama ng Sorsogon 2nd PMFC sa Sitio Lapinig, Barangay Salvacion, Sta. Magdalena, Sorsogon nito lamang Biyernes, Setyembre 30, 2022.
Ang nasabing aktibidad ay inisyatibo ng Alkalde ng Bayan ng Sta. Magdalena na si Hon. Mark Jewery G Lozano. Ito ay proyekto na mula sa Probinsya ng Sorsogon na may temang “Kalikasan Program 2022” sa ilalim ng 7K program na binansagang “One Million Trees” Sorsogon Challenge ng Gobernador ng Sorsogon kung saan kaisa ang lahat ng Munisipalidad sa lalawigan ng Sorsogon.
Nasa mahigit 100 piraso ng iba’t ibang punong kahoy ng narra at pili ang naitanim.
Bahagi rin ng aktibidad na ito ang pakikiisa sa paggunita sa ika-122nd Anibersaryo ng Philippine Civil Service.
Layunin ng proyektong ito na madagdagan ang mga puno sa lugar upang makatulong na maging panangga kapag may dumarating na kalamidad sa lugar at nang mapaunlad at maproteksyunan ng ating likas na yaman.
Ang mga priority areas ang benepisaryo ng programa upang magpatupad ng Greens, Blooms, Clean and Green Project.
Ang Pambansang Pulisya ay kaisa ng ating mga Local Government Units upang maprotektahan at pangalagaan ang ating kalikasan at ito ay naaayon sa programa ni Chief PNP na MKK=K o Malasakit, Kaayusan, Kapayapaan tungo sa Kaunlaran.
