Sta. Magdalena, Sorsogon – Nakiisa sa Clean-up Drive ang mga kapulisan ng Sta Magdalena MPS na ginanap sa Barangay 4, Sta. Magdalena, Sorsogon nito lamang Oktubre 15, 2022.
Nanguna sa pakikiisa si Police Lieutenant Dennis L Detoito, Officer-In-Charge ng Sta Magdalena MPS, kasama ang Sorsogon 2nd PMFC, Philippine Army San Isidro Patrol Base at Tau Gamma Phi Sta Magdalena Chapter.
Ang nasabing aktibidad ay pinangunahan ng Sta. Magdalena National High School sa pamumuno ni Mr. Aceron M De Jesus, School Principal na may temang “Pagkakaisa sa Gulayan sa Paaralan.”
Layunin ng aktibidad na ito na mapanatili ang kalinisan sa kapaligiran upang maiwasan ang anumang uri ng sakit na dulot ng maruming paligid. Patuloy na hinihikayat ng Pambansang Pulisya ang ating mga kababayan na makiisa sa mga programa na inilulunsad para mapangalagaan ang ating Inang Kalikasan.
Source: Sta Magdalena Mps Sorppo
