Eastern Samar – Boluntaryong sumuko ang isang miyembro ng Communist NPA Terrorist (CNT) sa Eastern Samar Provincial Intelligence Unit sa Brgy. Alang-Alang, Borongan City, Eastern Samar noong Biyernes, Mayo 6, 2022.
Kinilala ni Police Colonel Matthe Aseo, Provincial Director ng ESPPO ang sumukong CNT member na si alyas “Jonas Madolid/Allan/Diwan” (Non-PSR – Listed), 37, single at residente ng Brgy. Binalay, Gen. Mac Arthur, Eastern Samar.
Ayon kay PCol Aseo, ang naturang surrenderee ay miyembro ng Squad 2 ng makakaliwang grupo sa ilalim ng Fred Arandia Platoon, at isang regular na CNT member sa ilalim ni Severo Elardo alyas Podin na tumatakbo sa Southern Municipalities ng probinsya ng Eastern Samar kasama ang squad CN: Fred Arandia Platoon ng FCSE, Sub-Regional Committee (SRC), SESAME ng Eastern Visayas Regional Party Committee (EVRPC).
Ayon pa kay PCol Aseo, sa pamamagitan ng pagpapatupad ng Executive Order No. 70 (NTF-ELCAC) at Whole of Nation Approach Program ng gobyerno para sa kanyang kabuuang reporma at nang mapagtanto niya na siya ay nilinlang lamang ng teroristang grupo sa pamamagitan ng isang pekeng ideolohiya at ngayon ay humantong sa kanyang boluntaryong pagsuko sa PNP na may pangako na mariing kokondenahin at tutuligsain ang Communist Terrorist Group (CTG).
Ang nasabing surrenderee ay pansamantalang nasa ilalim ng kostudiya at proteksyon ng Eastern Samar Police Provincial Office, Camp Francisco Asidillo habang hinihintay ang resulta sa validation ng Joint AFP-PNP Intelligence Committee (JAPIC) at ang kung anong karampatang mga benepisyo ang matatanggap nito mula sa Enhanced-Comprehensive Livelihood Program (E-CLIP).
Ang boluntaryong pagsuko ng nasabing miyembro ng komunistang grupong NPA ay resulta ng pagpupursigi ng pamahalaan katuwang ang PNP upang hikayatin ang mga rebeldeng grupo na sumuko na at magbalik-loob sa gobyerno at pairalin ang kapayapaan nang tuluyang wakasan.
###
Panulat ni Patrolwoman Rialyn B Valdez
