Sultan Kudarat – Sumuko ang isang Squad Leader/Team Leader ng Communist Terrorist Group (CTG) sa himpilan ng Columbio Municipal Police Station sa Brgy. Maligaya, Columbio, Sultan Kudarat nito lamang ika-23 ng Enero 2024.
Kinilala ni Police Brigadier General Jimili Macaraeg, Regional Director ng Police Regional Office 12, ang sumuko na si alyas “Migs/Bonok”, 31, Squad Leader/Team Leader mula sa LGU DGF ALIP, FSMR, at residente ng Brgy. Poblacion, Columbio, Sultan Kudarat.
Isinuko rin nito ang isang yunit ng 7.62mm sniper rifle na may kasamang magazine.
Pahayag ng CTG na puro hirap at gutom ang dinanas niya sa loob ng grupo at nais na niyang mamuhay ng mapayapa kaya tumiwalag ito at napagpasyahang sumuko sa ating gobyerno.
Dahil rito ay isasailalim sa Enhanced Comprehensive Local Integration Program o E-CLIP ang naturang squad leader para tuluyan nang makapagbagong buhay.
Patuloy naman ang panawagan ni PBGen Macaraeg sa mga iba pang CTG members na makiisa at magbalik-loob sa pamahalaan tungo sa pagkamit ng kapayapaan at kaunlaran ng bansa.
