Lanao Del Sur – Matagumpay ang pagsasagawa ng Special Elections sa bayan ng Tubaran, Lanao Del Sur dahil sa mahigpit na pagbabantay ng Philippine National Police (PNP) at Armed Forces of the Philippines (AFP) noong Mayo 24, 2022.
Walang naitalang insidente o nakagawa ng anumang labag sa batas sa naturang Special Elections dahil sa pinaigting na security measures na ipinatupad ng mga tauhan ng Police Regional Office Bangsamoro Autonomous Region kasama ang iba pang unit.
May kabuuang 859 PNP personnel at 587 AFP personnel ang idineploy kabilang ang 53 personnel mula sa Regional headquarters, PRO BAR na itinalaga bilang Board of Election Inspectors (BEI) at ang mga piling PNP personnel na nilagyan ng Body-Worn Camera (BWC) upang matiyak ang transparency at masubaybayan ang mga kaganapan sa lugar.
Higit pa rito, binisita ni Police Lieutenant General Jose Chiquito Malayo, Commander, Area Police Command-Western Mindanao; kasama sina Police Major General Valeriano De Leon, The Director for Operation; at Police Brigadier General Arthur Cabalona, Regional Director, PRO BAR, ang lugar ng Tubaran at personal na nag-inspeksyon sa mga Polling Centers.
Pagkatapos nito, patuloy na sinubaybayan ng tatlong matataas na Heneral ang espesyal na halalan sa Regional Election Monitoring Action Center (REMAC).
Samantala, nagpapasalamat at pinupuri naman ni PBGen Cabalona, ang pagsisikap ng mga pwersang panseguridad ng PRO BAR at mga BEI, AFP, at iba pang stakeholder para sa kanilang kontribusyon sa matagumpay, walang karahasan, walang panloloko, at ligtas na pagsasagawa ng Espesyal na Halalan 2022.
###
Panulat ni Patrolman Charlie Nasroden Corpuz
