Sorsogon – Aktibong sinuportahan ng Sorsogon Police Provincial Office ang malawakang paglunsad ng “Buhay Ingatan, Droga’y Ayawan” BIDA program ng Department of Interior and Local Government na ginanap sa Capitol Park, Sorsogon City, Sorsogon nitong ika-14 ng Pebrero 2023.
Inumpisahan ang programa sa pamamagitan ng Unity Walk, Fun Bike at Zumba BIDA Dance na ikinatuwa ng mga dumalo sa nasabing aktibidad.
Nilahukan naman ito ng mga kinatawan mula sa DILG, DOH, BFP, BJMP, PDEA, Philippine Army, LGU Sorsogon, mga estudyante mula sa iba’t ibang paaralan, Civil Society Organizations, Media at iba pang sektor ng komunidad.
Ang programang BIDA (Buhay Ingatan, Droga’y Ayawan) ay naglalayong palakasin ang kamalayan at hikayatin ang komunidad na makilahok sa drug demand and supply reduction campaign.
Sa pamamagitan nito, patuloy na ibinibigay ng Sorsogon PPO ang buong suporta sa BIDA program sa pagpapatupad ng mga aktibidad na naaayon sa kampanya na labanan ang ilegal na droga sa probinsiya ng Sorsogon.
Source: Sorsogon PPO
