Sorsogon – Nagsagawa ng Tree Planting Activity ang mga personahe ng Bulan Municipal Police Station bilang bahagi ng pagdiriwang ng ika-28th Police Community Relations Month sa Barangay Sigad, Bulan, Sorsogon nitong Hulyo 27, 2023.
Ang aktibidad ay pinangunahan ng Bulan MPS sa ilalim ng pamumuno ni Police Lieutenant Colonel Allan Macoy Jr., OIC, kasama ang Bulan Municipal Environment and Natural Resources Office (MENRO) sa pangunguna ni Ms Kelly Chua Tan, mga miyembro ng 22nd Infantry Battalion Philippine Army, Barangay Officials, Force Multiplier, KKDAT at Women’s Sector ng nasabing barangay.
Ang nasabing aktibidad ay bahagi ng PNP Core Values na Makakalikasan na naglalayong pangalagaan ang ating inang kalikasan.
Ang PNP ay patuloy na magsasagawa ng aktibidad upang mapangalagaan ang ating kalikasan at hinihikayat ang ating mamamayan na patuloy na makiisa at suportahan ang mga programa ng ating pamahalaan na may kaugnayan sa pagpapanatili ng kagandahan ng ating kapaligiran.
Source: Bulan Mps Sorsogon Ppo
