Misamis Occidental – Liwanag ang hatid ng Revitalized-Pulis Sa Barangay Team Brgy. Carmen sa pamamagitan ng pagbibigay ng solar lights at power supply sa mga residenteng nasalanta ng nakaraang kalamidad sa Purok 3, Brgy. Carmen, Jimenez, Misamis Occidental nito lamang Miyerkules, ika-2 ng Pebrero 2023.
Bilang inisyatibo ng R-PSB Team Brgy. Carmen ang aktibidad ay naka-angkla sa Quick Impact Project na may layuning tulungan ang mga residente na mabigyan ng Solar Power Charging Station at Solar Light dahil bakas pa ang pananalanta ng dumaang kalamidad sa naturang lugar.
Labis naman ang pasasalamat ng residente ng Barangay Carmen sa mga pulis na nagbigay ng taos-pusong serbisyo.
Patunay na ang Misamis Occidental PNP ay magbibigay liwanag sa nasasakupang komunidad sa pamamagitan ng paghahatid ng serbisyo publiko upang mapagtibay ang ugnayan ng PNP at mamamayan.
Panulat ni Patrolman Joshua Fajardo/RPCADU10
