Nueva Vizcaya – Pinangunahan ng Solano PNP ang isinagawang Revitalized PNP KASIMBAYANAN na idinaos sa Brgy. Bascaran, Solano, Nueva Vizcaya nitong ika-21 ng Marso 2023.
Sa pangangasiwa ni Police Major Anthony Ayungo, Hepe ng Solano PNP, katuwang ang Nueva Vizcaya Provincial Medical and Dental Team sa pamumuno ni Police Lieutenant Odessa De Guzman ay matagumpay na naidaos ang aktibidad.
Aktibong nilahukan ng Solano Ministry Association (SOMA) sa katauhan ni Pastor Ronald Prieto, mga Guro sa pamumuno ni Ginoong Ernesto Valido School Principal at mag-aaral ng Paaralang Elementarya ng Bascaran na nasa ika-4 hanggang ika-6 na baytang ang aktibidad.
Tinalakay din ng kapulisan ang mga batas kontra sa ipinagbabawal na gamot at ang mga masamang epekto nito sa kalusugan.
Ang pambansang pulisya ay patuloy sa pagsasagawa ng mga ganitong uri ng kampanya upang tuluyang mapuksa ang ilegal na droga na siyang sumisira sa buhay ng ating mga kababayan.
Source: Solano Police Station
Panulat ni PCpl Harry B Padua
