Nagsagawa ng Community Outreach Program ang Solano Police Station sa pamumuno ng Hepe nito na si PMaj Anthony Ayungo sa Sitio Baguingey, Barangay Communal, Solano, Nueva Vizcaya nitong Disyembre 12, 2023.
Naging tampok sa naturang aktibidad ang pamamahagi ng mga regalo, food packs, mga laruan at meryenda.
Nagkaroon din ng mga palaro at nagbigay ng mga papremyo sa mga estudyante at mga magulang.
Tinatayang nasa mahigit 30 na estudyante ng Baguingey Child Development Center ang naging benepisyaryo ng naturang aktibidad.
Tuwa at pasasalamat naman ang naging tugon ng mga batang nabigyan ng regalo sa naturang iskwelahan.
Layunin ng aktibidad na makapagbigay ng saya sa mga kabataan lalo na at nalalapit na ang kapaskuhan na sumisimbolo sa pagmamahalan at pagbibigayan.
Samantala, patuloy ang kapulisan ng Solano sa pagbibigay saya sa ating mga kababayan lalo na ngayong panahon ng pasko.
Source: Solana PS
