Pinangunahan ng Regional Police Community Affairs and Development Unit (RPCADU) 12 ang Social Media Lecture para sa mga mag-aaral ng Mabuhay Elementary School nito lamang umaga ng Lunes ika-30 ng Setyembre 2024.
Nagturo sina Police Corporal Jose D Dullano III at Police Corporal Hosen Satorre Ngilay, sa mga dapat at hindi dapat gawin sa social media sa ilalim ng pamumuno ni Police Colonel Amante Q Suriaga, Chief, RPCADU 12.
Itinuro din sa mga Grade 5 and Grade 6 na mga mag-aaral ang kahalagahan ng wastong paggamit ng social media, maging maingat at maging responsable upang maiwasan na ma-biktima ng cyber-bullying at iba pang modus operandi na nauuso sa online world.
Patuloy ang RPCADU 12 sa pagbabahagi ng tamang paggamit ng social media at itaas ang kamalayan ng bawat kabataan na gamitin ito upang dumagdag sa karunungan na mahasa sa paghubog ng kanilang kaisipan sa teknolohiya.
Panulat ni PSSg Grace Neville L Ortiz
