Isinagawa ang isang Social Media Awareness Lecture ng mga tauhan ng Regional Police Community Affairs and Development Unit 12 sa mga mag-aaral ng Sumbac Elementary School sa Kidapawan City, Cotabato nito lamang ika-3 ng Disyembre 2024.
Pinangunahan nina Patrolman Gio Batungbacal at Patrolman Jerald Gallardo ng Regional Police Community Affairs and Development Unit 12 ang naturang lecture sa pamumuno ni Police Lieutenant Colonel Demetrius E Taping, Officer-In-Charge.
Tinalakay sa mga Grade 5 na mag-aaral ang tamang paggamit ng social media at ang posibleng maidudulot nito kapag hindi wasto ang paggamit.
Binigyang pansin din ang kahalagahan ng pagkakaroon ng sapat na kaalaman sa terorismo upang maiwasang maging biktima.
Layunin ng ganitong mga lecture na maiparating sa mga kabataan ang mga tamang impormasyon upang maging kapaki-pakinabang at magabayan ang kanilang tatahaking landas.
Kaagapay ng ating mga guro ang kapulisan sa paghubog ng kinabukasan ng mga kabataan.
