Nagsagawa ng Soap Making Workshop ang mga tauhan ng Lapu-Lapu City Police Office (LCPO) na ginanap sa Training Room ng LCPO Headquarters, Barangay Pusok, Lapu-Lapu City nito lamang Pebrero 7, 2024.
Ang aktibidad ay pinangunahan ni Police Colonel Elmer S Lim, City Director ng Lapu-Lapu City Police Office katuwang ang Love Driven Life Foundation sa pangunguna ni Gng. Leslie D Lim na kinatawan ni Bb. Angel Ecle, at ng Sunrise Marketing Chemist na si Bb. Cherrypie Nisnisan.
Ang nasabing aktibidad ay bahagi ng COPatid Program ng LCPO na naglalayong makapaghatid ng tulong sa pamamagitan ng pagbibigay ng alternatibong kabuhayan sa mga personalidad na mga dating sangkot sa ilegal na droga.
Nakilahok din sa programa ang mga Grade 12 na estudyante mula sa Einstein School Cebu na nagbigay ng pagkakataon upang matunghayan ang ibang paraan at aspeto ng kapulisan sa pagtataguyod ng kaayusan at kapayapaan.
Sa kabuuan, hatid ng programa ang pag-asa sa bawat indibidwal tungo sa pagkamit ng tuluyang pagbabago, produktibong miyembro ng pamayanan, at maunlad na Lipunan tungo sa Bagong Pilipinas.
