Benguet – Timbog ang isang Street Level Individual Drug Personality sa isinagawang buy-bust operation ng Benguet PNP at PDEA CAR sa Betag, La Trinidad, Benguet nito lamang ika-23 ng Enero 2023.
Kinilala ni Police Lieutenant Colonel Rodelio Olsim, Chief of Police, La Trinidad Municipal Police Station, ang suspek na si alyas “Adrian”, 44, vegetable purchaser, tubong Malolos, Bulacan at kasalukuyang nakatira sa Pico, La Trinidad.
Nakumpiska mula sa suspek ang isang pakete ng pinaghihinalang shabu, buy-bust money at cellphone.
Patuloy naman ang pagtugis ng mga otoridad sa mga taong sangkot sa ilegal na droga upang mapanatili ang kaayusan at maiwasan ang kriminalidad na nangyayari dulot ng ilegal na droga.
