Albay – Sumailalim sa isang araw na pagsasanay ang mga miyembro ng Barangay Peacekeeping Action Team ng Barangay San Vicente, Tabaco, Albay sa Adelaida Farm and Resort, San Vicente, Tabaco City, Albay, nito lamang Agosto 20, 2023.
Ang naturang aktibidad ay pinangunahan ng mga tauhan ng Tabaco City Police Station sa pamumuno ni Police Lieutenant Colonel Jonathan Lladoc, Chief of Police.
Kaugnay nito, nagbahagi ng kaalaman ang naturang grupo patungkol sa Proper Handcuffing and Arresting Techniques na nilahukan ng mga miyembro ng BPATs at mga opisyales ng nasabing barangay.
Layunin ng aktibidad na ito na mapalakas at linangin ang kakayahan ng BPATs na kumilos bilang Force Multiplier o katuwang ng PNP sa pagpapanatili ng kapayapaan at kaayusan sa komunidad.
Source: Tabaco City Police Station
