Arestado ang isang 23 anyos na incumbent SK Chairman ng San Carlos City sa Pangasinan matapos ang matagumpay na operasyon ng mga tauhan ng San Carlos City Police Station, sa Barangay Bugallon-Posadas St., San Carlos City noong Setyembre 15, 2024.
Kinilala ang suspek na si alyas “Gibian”, isang college graduate at kasalukuyang SK Chairman at residente ng Barangay Cobol, San Carlos City, Pangasinan.
Ang nasabing operasyon ay isinagawa batay sa Warrant of Arrest na inilabas ng korte para sa kasong Illegal Recruitment in Large Scale, kung saan walang inirekomendang piyansa para sa kanyang pansamantalang kalayaan.
Pinangunahan ni Police Lieutenant Colonel Eleazar Edolmo, Acting Chief of Police ng San Carlos City Police Station ang nasabing operasyon, na nagpatunay sa patuloy na pagsisikap ng Pambansang Pulisya na labanan ang ilegal na gawain at panatilihin ang kaayusan at kaligtasan sa komunidad para sa mas ligtas na Bagong Pilipinas.
Panulat ni PSSg Robert B Abella Jr
