Arestado sa isinagawang operasyon ng Iligan City Police Office ang siyam (9) na indibiwal sa paglabag sa Illegal Discharge of Firearm in Violation of Republic Act 10591 at COMELEC Gun Ban sa Mandulog Bridge, Barangay Hinaplanon, Iligan City nito lamang Pebrero 24, 2025.
Ayon kay Police Colonel Jerry A Tambis, Acting Director ng Iligan City Police Office, isang concerned citizen ang nagreport na may grupo ng indibidwal lulan ng isang itim na Toyota Hilux na may plakang NCD 8536 ang nagpaputok ng baril.
Agarang rumesponde ang PNP sa lugar ngunit bigong mahuli ang mga suspek.
Dagdag pa ni PCol Tambis, sa isinagawang checkpoint bandang 4:50 ng madaling araw sa parehong araw ay naharang ng Iligan City Police Station 1, Special Weapons and Tactics (SWAT), at Mobile Patrol Unit ang naturang getaway vehicle lulan ang mga suspek.
Nakumpiska ang isang Glock 22 Gen. 4 USA .40 Cal na may serial number AA FW161, isang magazine, 15 piraso ng bala. Isa pang-Glock 23 Gen. 4 USA .40 Cal.na may serial number AAGA005, isang magazine, at siyam na bala at isang itim na Toyota Hilux na may plate number NCD 8536.
“I extend my sincere appreciation to the Iligan City PNP personnel for their swift and decisive response to this incident. Let this serve as a reminder of our duty to protect and serve with integrity, vigilance, and dedication, especially during the election period,” ani PCol Tambis.
