Lagangilang, Abra – Sira sirang kusina ng isang Person with Disability ang kinumpuni ng Lagangilang Municipal Police Station sa Brgy. Lagben, Lagangilang, Abra nito lamang Marso 26, 2022.
Ayon kay PMaj Harold Bernabe T Alagao, Acting COP ng Lagangilang MPS, napili nilang tulungan si Ginoong Federico Lanas Jr, 46, residente ng nasabing barangay dahil sa kalagayan nito na isang bulag.
Bagamat si Ginoong Federico ay isang massage therapist ay wala itong kakayahan upang ipaayos ang kanyang sira-sirang kusina.
Bukod pa rito ay mag-isa niyang binubuhay ang kanyang anak kaya naman walang pag-aalinlangang bumili ng mga kakailanganing construction materials ang mga tauhan ng Lagangilang MPS para sa pagsasaayos ng kusina ni Ginoong Federico sa tulong na rin ng mga civilian volunteer.
Labis naman ang pasasalamat ni Ginoong Federico at anak nito sa tulong na handog ng Lagangilang MPS dahil malaking tulong ito upang mas maging maayos ang kanilang pamumuhay.
Layunin ng programang ito na mabigyan ang mga lubos na nangangailangan ng isang maayos at matibay na bubong na masisilungan.
###
Panulat ni Patrolwoman Febelyne C Codiam
