Zamboanga City – Isinagawa ang siomai making at siopao cooking ng Zamboanga City PNP sa mga drug surrenderees na sumailalim sa Community-Based Rehabilitation Program (CBRP) sa Brgy. Cabatangan, Zamboanga City nito lamang Miyerkules, Disyembre 21, 2022.
Ang aktibidad ay pinangunahan ni Police Staff Sergeant Wynnie Rubio, Community Assistance and Development PNCO sa ilalim ng superbisyon ni Police Major Jamar Tagayan, Acting Station Commander ng Zamboanga City Police Station 7 at sa pakikipagtulungan ng Technical Education and Skills Development Authority (TESDA) at Barangay Anti-Drug Abuse Council (BADAC)-Barangay Cabatangan.
Tinatayang 16 na drug surrenderees ang natuto kung paano gumawa ng homemade siomai at ang tamang pagluluto ng siopao.
Layunin nito na bigyang kaalaman at magkaroon ng pagkakakitaan sa pang araw-araw na gastusin kahit nasa bahay lang at ipadama sa mga drug surrenderees ang malasakit ng Zamboanga City PNP at gobyerno sa mga taong gustong magbagong buhay.
Source: Zamboanga City Police Station 7
Panulat ni PSSg Grace Neville Ortiz
