Camp Bagong Diwa, Taguig City — Matagumpay na naisagawa ang Sining Bayanihan Regional Competition 2022 ng KKDAT sa Hinirang Multi-Purpose Hall, Camp Bagong Diwa, Bicutan, Taguig City nito lamang Huwebes, Hulyo 21, 2022.
Ang naturang programa ay alinsunod sa pagdiriwang ng ika-27th Police Community Relations Month Celebration na pinangunahan ni NCRPO Regional Director PMGen Felipe R Natividad.
Ito ay may temang, “Kabataan Tayo Mismo: Pwersa ng Pagkakaisa at Bagong Pag-asa.”
Lumahok rito ang mga miyembro ng KKDAT mula sa iba’t ibang distrito ng NCR kung saan pinakita nila ang kanilang mga talento sa Performing Arts, Visual Arts at Literary Arts.
Nanalo sa anim na kategorya ang KKDAT ng Eastern Police District sa Comic Strip Making, Viber Sticker Making, Essay Writing in Filipino, Cultural Dance, at Editorial Cartooning.
Samantala, ang KKDAT naman ng NPD ay nanalo sa Spoken Poetry at Essay writing sa English habang nanalo naman ang KKDAT ng MPD sa Original Song competition.
Ang mga mananalo ang siyang kakatawan sa NCR sa National Level Competition.
Sa kanyang naitalang mensahe, ipinaabot ni PMGen Natividad ang kanyang pasasalamat sa lahat ng mga taong nasa likod ng pagsasagawa ng kompetisyon lalo na sa partisipasyon ng mga KKDAT Officers. Pinasalamatan din niya ang mga panel of judges sa pagsuporta sa nasabing aktibidad at sa mga programa ng NCRPO. Binati rin ni RD Natividad ang lahat ng mga kalahok sa pagsali sa nasabing kompetisyon.
“Layunin ng programang ito na hasain at pagyamanin ang inyong mga galing at talento sa iba pang larangan ng sining. Ito rin ay magsisilbing daan upang mailayo kayo sa masasamang gawain na maaaring makaimpluwensya sa inyo,” ani PMGen Natividad.
Source: PIO NCRPO
###
Panulat ni PSSg Remelin M Gargantos
