Maguindanao del Norte – Nagsagawa ng Sinaglaya Outreach Program ang mga kapulisan ng Regional Intelligence Unit 15 sa Katiguesen Elementary School, Brgy. Kibucay, Upi, Maguindanao del Norte nito lamang ika-24 ng Pebrero 2023.
Ang naturang aktibidad ay mula sa inisyatibo ng PNPA Sinaglaya Class of 2002 na may temang “The true Essence of Caring is Sharing, Reaching out, Touching Lives” katuwang ang Regional Intelligence Unit 15, Ministry of Indigenous Peoples Affairs-BARMM; Regional Recruitment and Selection Unit BAR; Regional Medical and Dental Unit; RCADD PROBAR, Regional Police Community Affairs and Development Unit BAR; 1st PMFC Maguindanao PPO, Upi MPS at iba pang stakeholders sa pakikipagtulungan ng mga guro ng naturang paaralan.
Naging benepisyaryo ng naturang aktibidad ang 500 katutubo na nakatanggap ng school supplies, hygiene kits, vitamins, medicines, Jollibee meal, libreng gupit, at libreng tuli.
Bakas sa mukha ang lubos na saya at pasasalamat na naramdaman ng mga mag-aaral, magulang at mga guro ng naturang paaralan dahil sa sebisyong hatid ng Pambansang Pulisya.
Ang aktibidad na ito ay nagpapatunay lamang sa matatag na relasyon ng Pambansang Pulisya at iba pang ahensya ng gobyerno at komunidad.
Panulat ni Patrolman Charlie Nasroden Corpuz
