Puerto Princesa City – Nagsagawa ng Simultaneous Tree Planting Activity ang Puerto Princesa City Police Office sa Brgy. Luzviminda, Puerto Princesa nito lamang Huwebes, Abril 21, 2022.
Ang aktibidad ay pinangunahan ni Police Colonel Roberto Bucad, Acting City Director ng Puerto Princesa City Police Office katuwang ang Bureau of Correction, Department of Environment and Natural Resources, Criminology Intern ng Western Philippines University, Kabataan Kontra Droga at Terorismo at ang mga Barangay Officials at mga miyembro ng Brgy. Luzviminda, Puerto Princesa City.
Umabot sa 514 na Narra Tree seedlings ang naitanim ng mga grupo sa nasabing barangay.
Ang naturang aktibidad ay alinsunod sa PNP Core Values na “Makakalikasan” na naglalayong makatulong sa pagsagip sa kagubatan at maibsan ang Climate Change na nagreresulta ng kalamidad, pagguho ng lupa at pagbaha.
Hinihikayat ng PNP ang komunidad na patuloy na makiisa at makilahok sa mga programang ilulunsad ng pamahalaan upang mapanatili ang kagandahan at kasaganahan ng likas na yaman sa bansa.
Source: Puerto Princesa City Police Office
###
Panulat ni Jorge Michael Bardiago
