Bilang pagpapakita ng suporta at pagkakaisa sa adhikain ni Pangulong Ferdinand “Bongbong” Marcos Jr, maayos na isinagawa ang isang makasaysayang seremonya para sa simultaneous pinning ng Bagong Pilipinas Pin ng Quirino Police Provincial Office noong ika-1 ng Abril 2024 sa Parade Ground ng Quirino PPO sa San Leonardo, Aglipay, Quirino.
Pinangunahan ni Police Colonel Augosto P Bayubay, Provincial Director, ang nasabing kaganapan ay nagpapakita ng dedikasyon para sa mga prinsipyong pang-gobyerno tulad ng pananagutan, integridad, at kahusayan.
Ipinahayag ng mga opisyal at ang buong kapulisan ang kanilang pangako na magsilbi ng tapat at maging haligi ng matatag na pamumuno.
Binigyang-diin din ni PCol Bayubay ang kahalagahan ng pagkakaisa sa pagtataguyod ng kinabukasan ng bansa. “Sa pamamagitan ng seremonyang ito, ipinapakita ang sama-samang layunin na itayo ang isang mas maunlad na Pilipinas para sa mga darating pang henerasyon,” aniya.
Ang Bagong Pilipinas Pin, na isang simbolo ng bagong yugto ng progreso at pagbabago ay nagpapahiwatig ng kolektibong pangarap ng bawat Pilipino na maging bahagi ng pag-unlad ng bansa.
Hindi lamang nagpapakita ng suporta sa administrasyon ni Pangulong Marcos kundi pati na rin ang pagtitiwala ng Quirino PPO sa mas magandang hinaharap ng Pilipinas at ang patuloy na pag-asa at pagmamahal ng mga mamamayang Pilipino para sa bayan.
Source: Quirino PPO Valley Cops
Panulat ni Pat Desiree T Canceran
