Matagumpay ang isinagawang Simultaneous Gun Inspection ng Bulacan PNP sa mga Police Station sa Bulacan na ginanap sa Guiguinto MPS, Balagtas MPS at Obando MPS, Bulacan nito lamang Biyernes, ika-10 ng Mayo 2024.
Ang aktibidad ay pinamunuan ni Police Colenel Relly B Arnedo, Provincial Director ng Bulacan Police Provincial Office katuwang ang Logistics Bulacan, at Hepe ng mga Police Stations ng Bulacan.
Layunin ng Gun inspection sa mga PNP personnel ang tiyakin na ang mga indibidwal na gumagamit ng baril ay sumusunod sa tamang mga patakaran at regulasyon kaugnay sa paggamit at pag-aalaga ng kanilang armas. Ito ay isang paraan upang matiyak ang seguridad at disiplina sa paggamit ng armas sa hanay ng pulisya.
Tiniyak ni PCol Arnedo at ng Bulacan PNP ang disiplina at seguridad para maiwasan ang anumang mga aksidente at pagkakamali sa paggamit ng armas upang mapanatili ang kaayusan at kapayapaan sa lipunan tungo sa maunlad na Bagong Pilipinas.
