Cagayan de Oro City – Para sa paghahanda sa darating na Barangay and Sangguniang Kabataan Election (BSKE) 2023, nagsagawa ng Simultaneous Comelec Checkpoint ang PNP na pinangunahan mismo ni Police Brigadier General Lawrence Coop, Regional Director ng Police Regional Office 10 nito lamang ika-28 Agosto 2023 sa Kinangsahan, Iponan, Cagayan de Oro City.
Katuwang ng PRO 10 sa isinagawang Simultaneous Comelec Checkpoint ang Philippine Army, Philippine Coast Guard 10 at mga Barangay Tanod.
Ang layunin nito ay tiyakin at paigtingin ang mga operasyon para sa seguridad sa nalalapit na Barangay and Sangguniang Kabataan Election 2023 sa Hilagang Mindanao upang maging maayos at payapa ang darating na halalan.
Ang Police Regional Office 10 ay pinaaalahanan din ang mga motorista na mahigpit na pinagbabawal ang pagdadala ng mga baril at anumang nakamamatay na armas simula election period mula ika-28 ng Agosto 28 hanggang ika-29 ng Nobyembre 2023.
