Pampanga – Isinagawa ng Technical Support Company ng Regional Mobile Force Company 3 ang simulation exercise sa Camp Captain Julian Olivas, San Fernando City, Pampanga nito lamang Lunes, ika-27 ng Pebrero 2023.
Ang naturang pagsasanay ay pinangunahan ni Police Captain Mark Leslie Barlis, Commanding Officer ng Technical Support Company ng RMFB3.
Nagkaroon ng hostage negotiation at iba pang pagsasanay na naglalayong malinang at maging handa ang Regional Mobile Force Battalion 3 sa anumang kakaharaping insidente.
Sinisiguro ng Central Luzon PNP na patuloy sa pagsasagawa ng mga pagsasanay upang mas maging epektibo sa kanilang sinumpaang tungkulin at masigurong ligtas at maayos ang nasasakupang komunidad.
Panulat ni Police Corporal Jeselle Rivera/RPCADU3
