Tagum City – Napugutan ng ulo ang isang siklista matapos mahagip ng trailer truck sa Tagum City, Davao del Norte, noong Mayo 19, 2022.
Kinilala ni PLtCol Jay Gacis Dema-ala, Acting Chief of Police, Tagum City Police Station ang biktima na si Edwin Pacatang, 52, residente ng Purok Margarita, Brgy. Mankilam, Tagum City at ang suspek na drayber ng truck na si Roger Ringconada, 46, residente ng Purok 1, Siocon, Davao de Oro.
Ayon kay PLtCol Dema-Ala, sa isinagawang inisyal na imbestigasyon parehas na binabaybay ng siklista at ng truck ang kahabaan ng Munisipyo ng Mawab patungong Tagum City kung saan nauuna ang siklista sa trak at nang makarating sa pinangyarihan ng aksidente diumano ang siklista ay napadaan sa isang depektong kalsada kung kaya siya ay nawalan ng kontrol at natumba sa kalsada at aksidenteng nabangga ng truck na agad namang nagresulta sa agarang pagkamatay ng biktima.
Ayon pa kay PLtCol Dema-Ala, dinala na sa Rubio Funeral Services ang bangkay ng siklitang si Edwin Pacatang.
Dagdag pa ni PLtCol Dema-Ala, ang drayber ng truck gayundin ang kanyang minamanehong sasakyan ay nasa kustodiya na ng nasabing istasyong para sa tamang disposisyon at para sa kaukulang pagsampa ng kaso.
Samantala, ang Police Regional Office 11 sa pamumuno ni PBGen Benjamin Silo Jr., ay nagpapaalala sa mga mamamayan ng Rehiyong Onse lalong lalo na sa mga motorista na magdoble ingat sa pagmamaneho upang maiwasan ang aksidente.
###
Panulat ni Patrolman Preal Cris Edosma
