Nagsagawa ng showdown inspection sa lahat ng Property Plan at Equipment bilang bahagi ng paghahanda sa nalalapit na National and Local Elections 2025 ang General Santos City Police Office sa Camp Fermin G Lira, General Santos City nito lamang ika-30 ng Abril 2025.
Pinangunahan ni Police Colonel Nicomedes P Olaivar Jr., City Director ng General Santos City Police Office, ang pag-inspeksyon sa mga kagamitan kasama sina Police Lieutenant Colonel Aldrin M Gonzales, Deputy City Director for Operation at Police Captain Jane R Maribojon, Supply and Logistics Chief.
Kabilang sa mga nainspeksyon ang mga equipment ng police quarters at mga mobile patrol vehicles ng mga police stations, Traffic Enforcement Unit, Mobile Patrol Unit at General Santos City Mobile Force Unit.
Layunin ng naturang aktibidad na tiyakin na ang lahat ng sasakyan at kagamitan ng pulisya ay napapanatiling maayos at handa sa pagresponde.
Ang ganitong inisyatibo ay bahagi ng paghahanda para sa paparating na National and Local Elections. Tinitiyak ng General Santos City PNP na ang mga kagamitan ay maayos at handa para sa mas maayos na serbisyo pampubliko.
Panulat ni Patrolwoman Vina C Morales
