Pasay City – Nakumpiska ng mga tauhan ng AVSEU NCR NAIA Police Station 4 ang isang short firearm sa isang pasahero patungong Davao sa NAIA Terminal 4, Pasay City nito lamang ika-26 ng Abril 2023.
Kinilala ni Police Brigadier General Jerry Bearis, Director ng AVSEGROUP, ang suspek na si Mamayla Usman Tatang, Filipino, helper, residente ng 151 San Agustin St., Barangay 647, Manila City, at isang papaalis na pasahero ng Philippine Air Asia flight Z2-611 patungong Davao.
Ayon kay BGen Bearis, naganap ang pag-aresto matapos madiskubre ng SSO Duty X-ray Operator ang isang imahe na kahawig ng isang maikling baril sa loob ng isang itim na backpack na pag-aari ni G. Tatang, dahilan upang magsagawa ng manual inspection ang SSO Baggage Inspector, na nasaksihan ng SSO Team Leader at NAIA.
Sa inspeksyon ay nakita ang isang (1) maikling baril na may markang ASTRA FIRECAT UNCETA CIA S.A. GUERNIGA cal. 25 ACP.
Pinuri naman ni PBGen Bearis, ang mga tauhan ng NAIA PS 4 at security screening officers ng OTS sa kanilang pagtutulungan na nagbunga ng matagumapay na operasyon. Ipinabatid din ng Director sa publiko na hindi nila pahihintulutan ang pagdadala ng anumang uri ng ilegal na bagay o instrumento na nakakasira sa kapayapaan at kaayusan ng mga paliparan sa ating bansa.
