Maguindanao del Sur – Pinangunahan ni Police Brigadier General Allan Nobleza ang isinagawang ocular inspection sa pinangyarihan ng pananambang na kung saan dalawang pulis ang napatay at apat naman ang sugatan noong gabi ng ika-14 ng Hunyo sa Poblacion, Shariff Aguak, Maguindanao del Sur.
Matapos nito, nung kinahapunan ding iyon ay isinagawa naman ang case briefing kasama ang Special Investigation Task Group upang imbestigahan ang insidente para sa mabilis na pagkakakilanlan at pag-aresto sa mga salarin.
Binisita din ni PBGen Nobleza ang mga sugatang pulis sa Sultan Kudarat Provincial Hospital para tingnan ang kanilang kondisyon at inabutan ang mga ito ng tulong pinansyal.
Patuloy pa din ang masusing imbestigasyon ng kapulisan ukol sa insidente upang matukoy ang mga may sala sa nasabing pananambang at mabigyang hustisya ang mga naging biktima ng mga ito.
Panulat ni Patrolman Charlie Nasroden Corpuz
