Nakumpiska sa dalawang indibidwal ang pinaniniwalaang shabu at marijuana sa operasyon ng Nabua Municipal Police Station sa Barangay La Purisima, Nabua, Camarines Sur nito lamang Hunyo 26, 2024.
Kinilala ni PLtCol Jan King S Calipay, hepe ng Nabua MPS ang mga suspek na sina alyas “Nono/Berto,” 39 anyos, may asawa at “Arabo,” 37 anyos at parehong mga residente ng Barangay La Purisima, Nabua, Camarines Sur.
Nahuli ang mga suspek matapos itong maaktuhang nagbebenta sa isang poseur-buyer ng isang pakete ng shabu.
Sa pagsisiyasat, narekober mula kay “Nono/Berto” ang isang yunit ng Huawei cellphone, isang coin purse na naglalaman ng tatlong pakete ng shabu, at ang apat na libong piso (Php4,000) na siyang ginamit na buy-bust money.
Samantala, isang transparent plastic sachet naman na may lamang marijuana ang nakuha mula kay “Arabo.”
Sa kasalukuyan, nahaharap ang dalawang suspek sa kasong paglabag sa Republic Act 9165 o ang “Comprehensive Dangerous Drugs Act of 2002.”
Bilang pagsuporta sa programa ng Pangulong Ferdinand R Marcos Jr. sa pakikipaglaban sa problema ng ilegal na droga, ang buong kapulisan ay patuloy na paiigtingin ang paghuli sa mga taong nagpapalaganap ng ipinagbabawal na gamot upang mapanatili ang kaayusan at kaligtasan ng komunidad.
Source: Nabua MPS CSPPO
Panulat ni Pat Rodel Grecia
