Nakumpiska ang ilang pakete ng hinihinalang shabu at ilegal na baril sa isinagawang Search Warrant Operation ng pulisya sa Purok 3, Barangay San Jose, Talisay, Camarines Norte nito lamang Mayo 26, 2023.
Kinilala ang target ng operasyon na si alyas “James”, 37 anyos at residente ng nasabing lugar.
Inihain ang Search Warrant bandang 11:15 ng gabi ng mga operatiba ng Talisay MPS, 91 SAC SAF, CNHPT, CN PIU at Camarines Norte 1st PMFC sa bahay ng suspek na nagresulta sa pagkakakumpiska ng hindi pa matukoy na halaga ng shabu at isang yunit ng .38 revolver na walang trademark na kargado ng tatlong bala.
Kasong paglabag sa Republic Act 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act) ang isinampang kaso laban sa suspek.
Ang Camarines Norte PNP ay patuloy sa pagsasagawa ng mga operasyon laban sa mga gumagawa ng mga ilegal na aktibidad sa kanilang nasasakupan upang mapanatili ang kaayusan at kapayapaan ng buong probinsya tungo sa Bagong Pilipinas.
Source: Talisay MPS Cnppo
Panulat ni Pat Rodel Grecia
