Inilunsad ng Batangas Police Provincial Office at Stakeholders ang programang “Serbisyong Bayanihan Caravan para sa mga Kapulisan at Kapamilya” na ginanap sa Camp Miguel C Malvar, Kumintang Ilaya, Batangas City nito lamang ika-28 ng Setyembre 2024.
Ang inisyatibong ito ay pinangunahan ni Police Colonel Jacinto Malinao Jr., Provincial Director ng Batangas PPO at Provincial Community Affairs and Development Unit (PCADU) kasama ang iba’t ibang stakeholders tulad ng Rotary-Batangas Chapter, Philippine Dental Association, Man’s Barber, TESDA at iba’t ibang unit ng PNP tulad ng Legal Service, Provincial Medical and dental Unit at iba pang personnel na naglalayong makapagbigay ng mahahalagang serbisyo sa mga tauhan ng PNP at kanilang mga pamilya.
Ang caravan ay nagtampok ng iba’t ibang serbisyo, kabilang na ang Livelihood training para sa mga dependents, pamamahagi ng wheelchair para sa mga ambulatory impaired dependent, mga claim at benefits assistance, raffle draws, sports clinics, legal consultations para sa mga tauhan na may mga imbestigasyon na may kaugnayan sa serbisyo o pre-charge, libreng medikal konsultasyon at mga serbisyo sa laboratoryo, mga serbisyong dental at cash assistance para sa mga tauhan na lubos na nangagailangan.
Ang “Serbisyong Bayanihan Caravan” ay bahagi ng programang “Damayang Malasakit sa Kapulisan,” isang inisyatibo sa buong bansa na pinamumunuan ng Punong PNP upang mapahusay ang moral at kapakanan ng mga tauhan ng PNP at kanilang pamilya.
Binigyang diin ng programa ang kahalagahan ng pagsuporta sa kapakanan ng mga kapulisan at kanilang mga dependent, pagkilala sa kanilang mahalagang papel sa pagpapanatili ng kapayapaan at kaayusan ng ating lipunan.
Source: RPCADU 4A
Panunulat ni Pat Maria Sarah P Bernales
