Sarangani Province – Nakiisa ang Sarangani Police Provincial Office sa Serbisyo Caravan para sa mga residente ng Brgy. Amsipit, Maasim, Sarangani Province nito lamang ika-17 ng Pebrero 2023.
Ang naturang aktibidad ay pinangunahan ni Police Colonel Nicomedes Olaivar Jr, Provincial Director, kasama si Honorable Rogelio D Pacquiao, Gobernador ng Sarangani at iba pang mga tauhan ng lokal na pamahalaan ng Sarangani.
Umabot sa 250 na pamilya ang nabigyan ng tulong hatid ng Serbisyo Caravan gaya ng libreng medical check-up, libreng vitamins, feeding program at pamamahagi ng foodpacks.
Layunin nito na mabigyan ang mga residente ng pangunahing serbisyo lalo na sa mga nakatira sa liblib o malalayong lugar.
Ang Pambansang Pulisya ay patuloy sa pagbibigay ng serbisyo sa mga mamamayan upang mapagtibay ang ugnayan ng PNP at komunidad.
Panulat ni Patrolman Jerrald Gallardo
