Naga City, Camarines Sur – Nagsagawa ng Serbisyo Caravan ang PNP Naga City Mobile Force Company katuwang ang Philippine Army sa Sitio Balatungan, Barangay Concepcion Grande, Naga City nitong Sabado, Abril 30, 2022.
Ayon kay Police Lieutenant Colonel Rommel Labarro, Force Commander ng Naga City Mobile Force Company, ang programa ay isang One-Stop-Shop para makapagbigay ng mga serbisyo upang maipakita sa mga residente na ang gobyerno ay may pagmamalasakit sa mga tao, lalo na ang mga bulnerableng komunidad na halos maimpluwensyahan ng mga mapanlinlang na propaganda ng mga CTG.
Ayon pa kay PLtCol Labarro, nasa 126 na residente ang natulungan ng nasabing serbisyo caravan tulad ng libreng medical/dental check-up, libreng gamot at bitamina, libreng gupit, pamamahagi ng mga food packs at nagkaroon ng din ng lecture sa EO No. 70 (Hands-Off Our Children) at nagkaroon ng parlor games sa mga kabataan ng nasabing lugar.
Dagdag pa ni PLtCol Labarro, kasama sa mga nagbigay ng serbisyo ay ang DILG, DAR, DA, TESDA, DOLE, MNWD, PIA, DOH, PHILIPPINE ARMY at Sangguniang Barangay ng Conception Grande, Naga City sa pamumuno ni Punong Barangay Micheal Oliva.
Ang PNP Naga City katuwang ang Philippine Army ay puspusan ang ginawang mga hakbang upang mailapit ang iba’t ibang serbisyo sa komunidad sa pamamagitan ng paghahatid ng mga kinakailangang pangunahing serbisyo.
Source: Naga CMFC
###
Panulat ni Patrolman Rodel Grecia
