Davao City – Arestado ang isang senior citizen sa patuloy na isinasagawang Manhunt Charlie Operation sa Magallanes St., Davao City nito lamang Abril 3, 2023.
Kinilala ni Police Major Marvin Hugos, Station Commander ng San Pedro Police Station, ang suspek na si alyas “Manuel”, 64, residente ng David Homes Katangawan, General Santos City.
Ayon kay PMaj Hugos, inaresto ang suspek sa bisa ng Warrant of Arrest sa kasong 3 counts ng Republic Act 9262 o Violence Against Women and their Children Act of 2004 na inihain ng pinagsamang tauhan ng San Pedro Police Station at Criminal Investigation Detection Group Davao City Field Unit.
Ang Police Regional Office 11 ay patuloy sa paghuhuli ng mga taong may sala sa batas upang ilagay sa likod ng rehas.
Panulat ni Patrolman Alfred Vergara/RPCADU11
