Masayang tinanggap ng isang senior citizen ang susi nang pabahay project na handog ng Ilagan City Police Station na ginanap sa Barangay Cabisera, City of Ilagan, Isabela noong ika-4 ng Oktubre taong kasalukuyan.
Ayon ay Police Lieutenant Colonel Benjamin D Balais, Hepe ng Ilagan CPS, ang benepisyaryo ay si Tatay Francisco Aggabao, isang senior Citizen, magsasaka at mag-isang itinataguyod ang kanyang anak na Person with Disability (PWD).
Maliban sa pabahay ay nakatanggap din si Tatay Francisco ng dalawang sako ng bigas, grocery items, apat na monobloc chairs, isang monobloc table, water container, kitchen dish container, isang stand fan, isang gas stove at 50,000 pesos.
Pinangunahan ni Police Jovencio S Badua Jr., Deputy Regional Director for Operation ng Police Regional Office 2 ang Ceremonial Turn-over at Blessing ng naturang pabahay kasama sina Hon. Josemarie L. Diaz, City Mayor ng siyudad ng Ilagan; PCol Julio R Go, Provincial Director ng Isabela PPO; Rev. Fr. Ryan Mullon, at Lieutenant Colonel Carlos Sangdaan Jr., Commanding Officer ng 95th Infantry “Salaknib” Battalion.
Matagumpay na naisakatuparan ang pangarap na bahay nang benepisyaryo dahil sa suporta at pagtutulungan ng PNP Ilagan, lokal na pamahalaan ng City of Ilagan at iba pang stakeholders.
Ang Pabahay Project ay pagpapakita ng malasakit ng mga kapulisan sa mga kababayan nating salat sa buhay alinsunod sa PNP Core Value na Makatao. Magpapatuloy ang mga ganitong proyekto upang mas marami pang pamilya ang mabigyan ng maayos na bubong na masisilungan.
Source: Ilagan CPS
Panulat ni Police Corporal Carla Mae P Canapi
