Palawan – Balik-kulungan ang isang senior citizen matapos makuha sa kanyang pangangalaga ang improvised holen gun at limang bala ng shotgun sa operasyon ng mga tauhan ng Quezon Municipal Police Station sa bayan ng Quezon, Palawan noong ika-30 ng Nobyembre 2023.
Kinilala ni Police Major Bronson Caramto, Officer-In-Charge ng Quezon MPS, ang naarestong suspek na si alyas “Daniel”, 61, isang magsasaka at kasalukuyang residente ng Quezon, Palawan.
Ayon kay PMaj Caramto, naaresto ang suspek sa bisa ng search warrant na inilabas ni Presiding Judge Ramon Chito Mendoza ng RTC branch 165, Brooke’s Point Palawan.
Napag-alaman na marami nang reklamo ang mga residente sa suspek dahil sa panunutok nito ng baril at dati na itong nakulong dahil sa ilegal na droga.
Ang Quezon PNP ay hindi titigil sa pagsasagawa ng mga operasyon laban sa mga lumalabag sa batas para sa pagpapanatili ng kaayusan at kaligtasan ng komuninad.
Panulat ni Patrolman Erwin Calaus
