Nagsagawa ng Send-off Ceremony ang Bulacan PNP sa mga magsisilbing karagdagang pwersa na magbabantay para sa pagdiriwang ng Semana Santa na ginanap sa Camp General Alejo S Santos, City of Malolos, Bulacan nito ika-22 ng Marso 2024.
Pinamunuan ito ni Police Colonel Relly B Arnedo, Provincial Director ng Bulacan Police Provincial Office katuwang ang Command Group.
Buong pwersa ng Pulis Bulacan ang nadeploy sa iba’t ibang barangay at lungsod upang mapanatili ang kaayusan at seguridad sa mga nasabing lugar.
Pinaalalahanan naman ni Police Colonel Arnedo ang bawat isa na siguraduhing habaan ang kanilang pasensya sa anumang sitwasyon na kanilang kakaharapin kung saan ipinahayag din niya ang kanyang suporta at pasasalamat sa mga tropa sa kanilang hindi natitinag na pangako sa pagpapanatili ng kapayapaan at kaayusan para sa nalalapit na pagdiriwang ng Semana Santa.
Layunin ng Bulacan PNP na mas paigtingin ang pagpapatrolya para maagapan ang mga hindi inaasahang insidente o krimen upang mapanatili ang seguridad ng bawat mamamayan na kanilang nasasakupan.
Panulat ni Pat Janeth Ballad
