Isinagawa ang Ceremonial Send-Off para sa mga tauhan ng Cagayan de Oro City Police Office na itatalaga para sa nalalapit na Pambansa at Lokal na Halalan ang isinagawa noong ika-6 ng Mayo 2025.
Pinangunahan ni Police Colonel Salvador N Radam, City Director ng Cagayan de Oro City Police Office, ang aktibidad na dinaluhan ng mga Staff Officers ng COCPO, Station Commanders mula sa Police Stations 1 hanggang 10, Force Commander ng City Mobile Force Company (CMFC), at mga Hepe ng iba’t ibang Special Units tulad ng Mobile Patrol Unit (MPU), Tourist Police Unit (TPU), at Traffic Enforcement Unit (TEU), gayundin ng mga kinatawan mula sa lahat ng unit.
Binigyang-diin sa send-off ang mahalagang papel ng kapulisan sa pagpapanatili ng kapayapaan, kaayusan, at seguridad habang isinasagawa ang halalan. Habang nagsisimula na ang kanilang tungkulin, tiniyak ng Pulisya ang kanilang kahandaang tugunan ang anumang emerhensiya, bantang panseguridad, o tangkang panggugulo na maaaring makaapekto sa maayos na pagdaraos ng halalan.
Ang seremonyang ito ay sagisag ng pagkakaisa at buong tapang na paglilingkod ng ating kapulisan para sa isang ligtas, mapayapa, at kapani-paniwalang halalan.
Panulat ni Pat Rizza C Sajonia
