Buong sigasig na tiniyak ng Rizal PNP ang seguridad at kaayusan ng lalawigan ng Rizal bilang pakikiisa sa ating mga kapatid na muslim sa paggunita ng Eid’l Adha sa mga borders ng Rizal nito lamang ika-17 ng Hunyo 2024.
Sa ilalim ng pamumuno ni Police Colonel Felipe B Maraggun, Provincial Director ng Rizal Police Provincial Office ay nagsagawa ng patrolling at police presence sa lansangan ng lalawigan.
Siniguro din ni PCol Maraggun na palaging handa sa anumang oras ang mga nakatalagang pulis sa bawat istasyon at lugar na kanilang babantayan at papatrolyahan.
Ang Rizal PNP ay hindi mapapagod sa pagpapanatili ng maayos at ligtas na komunidad upang ang mamamayan ng Rizal ay makaramdam ng kapanatagan, gayundin ay mahigpit na ipinatupad ang batas trapiko para sa mga motorista.
Source: Rizal Police Provincial Office
Panulat ni Patrolwoman Angelica Rica S Teng
