Matibay na ipinatupad ng Cabatuan PNP sa pamumuno ni Police Major Arturo Cachero, Chief of Police ang seguridad at kaayusan sa mga sementeryo ng Cabatuan, Isabela disperas palang ng Undas 2022.
Nagdeploy ng siyam na pulis na magbabantay sa magkatabing old public at private na sementeryo ng Cabatuan, Isabela habang may tatlo naman na nakadeploy na nagbabantay sa isa pang pampublikong sementeryo na matatagpuan sa Brgy. Tandul, Cabatuan, Isabela.
Ayon kay PMaj Cachero, mahigpit pa din nilang ipinapatupad ang minimum safety protocols ng COVID-19.
Mahigpit din nilang ipinagbabawal sa lahat ng mga bumibisita sa sementeryo ang pagdadala ng mga deadly weapon, baraha, alak at iba pang mga bagay na maaaring makapinsala at makapanakit ng tao.
Layunin ng Cabatuan PNP na panatilihing ligtas ang bawat mamamayan at maging maayos ang UNDAS 2022 sa bayan ng Cabatuan.
Source: Cabatuan Police Station
Panulat ni PSSg Jerlyn V Animos
