Siniguro ng Philippine National Police ang seguridad at kaayusan ng milyun-milyong deboto na nakiisa sa Kapistahan ng Itim na Nazareno nito lamang Enero 9, 2024.
Sa ilalim ng utos ni Police General Rommel Francisco D Marbil, Ama ng Pambansang Pulisya ng Pilipinas, nagtalaga ng libu-libong pulis sa mga pangunahing lugar sa Maynila upang magpatupad ng komprehensibong crowd management, traffic control, at public safety measures para sa kaligtasan ng bawat deboto.
Nakipagtulungan din ang pulisya sa mga lokal na pamahalaan, Simbahang Katoliko, at iba pang ahensya ng gobyerno upang matiyak ang maayos at matiwasay na pagdiriwang para sa lahat ng kalahok.
Ang Pista ni Hesus Nazareno ay nakakaakit ng milyun-milyong deboto bawat taon at ang pinakatampok nito na tradisyunal na Traslacion, isang engrandeng prusisyon ng imahe ng Itim na Nazareno.
Binibigyang-diin ng selebrasyon ngayong taon ang hindi natitinag na pananampalataya ng mga Pilipinong deboto na sama-samang nagtipon upang humingi ng mga pagpapala, pagpapasalamat, at mas tumibay pa ang kanilang pangako sa kanilang pananampalataya.
Kaisa ang PNP para sa isang mapayapa, maayos at ligtas na pagdiriwang ng pista ng itim na Nazareno.
