Pasay City – Arestado ang isang Airport Security Screening Officer ng Office for Transportation Security (OTS-DOTR) sa kasong Theft sa Ninoy Aquino International Airport (NAIA) Terminal 1, Pasay City nito lamang Marso 1, 2023.
Batay sa ulat, si Pat Foronda na nakaposte sa Final Security Screening Checkpoint, ay tinawagan ng OTS Team Charlie Supervisor Monsour upang ipaalam ang tungkol sa reklamo ng isang Chinese National sa kanyang nawawalang relo.
Ayon sa Hepe ng AVSEU NCR, Police Colonel Rhoderick Campo, isang relo ang ninakaw sa isang Chinese Tourist habang ang kanyang mga personal na gamit ay dinadaan sa X-ray Machine.
Kinuha umano ng suspek ang relo sa tray at inilagay sa loob ng kanyang bulsa na nakumpirma naman sa CCTV footage.
“Agad na inaresto ang suspek at ngayon ay nasa kustodiya ng PNP AVSEGROUP kung saan inihahanda ang mga dokumento para sa Inquest Proceeding”, dagdag ni PCol Campo.
“The exposed malpractice of some Airport Security personnel calls for intensified Police Presence and Visibility and increase in PNP AVSEGROUP’s law enforcement efforts to prevent such wrongdoings at NAIA, and gain back the public trust even the tourist’s confidence in visiting our country”, saad ni Police Brigadier General Anthony A Aberin, Director ng AVSEGROUP.
