Tacloban City – Naaresto ang isang security guard sa buy-bust ng Tacloban City PNP sa St. Francis Village 2, Barangay 105, San Isidro (Suhi), Tacloban City noong Biyernes, Hulyo 29, 2022.
Kinilala ni Police Major Jose B Gallanes Jr, Officer-In-Charge, ang naaresto na si alyas “Ariel”, 35, may live-in partner, Security Guard at residente ng Greendale Village ng nasabing barangay.
Ayon kay PMaj Gallanes, narekober sa suspek ang 13 na piraso ng heat-sealed transparent plastic sachet na naglalaman ng puting crystalline substance na pinaghinihinalang shabu na may tinatayang halaga na Php100,000.
Ang naaresto ay nahaharap sa kasong paglabag sa Section 5 at 11 ng Article II, R.A. 9165 o Comprehensive Dangerous Drugs Act of 2002.
“Ang mga operasyon laban sa ilegal na droga ay magpapatuloy nang walang humpay kahit na tayo ay abala sa iba pang mga pagpapatupad ng batas at mga tungkulin sa kaligtasan ng publiko dahil tayo ay nakatuon sa pagkamit ng ating layunin na magkaroon ng isang Tacloban City na walang droga,” mensahe ni PMaj Gallanes.
Panulat ni Patrolwoman Rialyn B Valdez
